Advertisement
அதிரையில் குறைந்த மாத தவணையில் வீட்டு மனை பிரிவுகள்


' />

அதிரையில் ரமலானில் நடக்கும் சுவையான அழகிய நிகழ்வுகளின் நினைவுகள்!

ரமலான் மாதம் வந்து விட்டால் முஸ்லிம் மக்களுக்கு மகிழ்ச்சி தான். மாதம் முழுவதும் ஏழையாக இருக்கட்டும் பணக்காரராக இருக்கட்டும் அனைவரும் மகிழ்ச்சியுடன் இருப்பார்கள்.

பகல் முழுவதும் நோன்பிருந்தாலும் கூட முகத்தில் எந்த களைப்பும் இன்றி முகமலர்ச்சியுடன் தொழுவது குர்ஆன் ஓதுவது என்று இருப்பார்கள். அதிரையில் இந்த ரமலான் மாதம் மிகவும் கோலாகலமாக இருக்கும். தெருவுக்கு தெரு வாடா, சம்சா கடைகள், கபாப் கடைகள் தோன்றி இருக்கும். பள்ளிகள் பாதி நாள் மட்டுமே இயங்கும். இளம் வயதிலேயே குர்ஆந் மனனம் செய்த ஹாபிழ் கள் வீடுகளிலும், பள்ளிவாசல்களிலும் தராவீஹ், வித்ரு தொழுகைகள் வைப்பார்கள். பள்ளிகளில் அஸர் தொழுகைக்கு பிறகு சுவையான நோன்புக்கஞ்சி, மாசித் தொட்டுக்கரியுடன் அழகான சஹர் உணவு, விதவிதமான உணவு வகைகளுடன் இஃப்தார், குப்பாயம் முசல்லா போட்டுக்கொண்டு சாலையில் அழகாய் செல்லும் இஸ்லாமிய சிறுமிகள், தமாம் வசூலுக்கு வீடு வீடாக வரும் சிறுவர்கள் என நமதூரில் நடக்கும் ஒவ்வொரு அழகான விசயங்களும் ரமலானை நமக்கு நினைவு படுத்துகின்றன. 

-நூருல் இப்னு ஜஹபர் அலி

இன்னும் இரண்டு வாரங்களும் சில நாட்கள் மட்டுமே ரமலானுக்கு மீதம் உள்ளது. தற்போது ரமலானை முன்னிட்டு நமதூரில் உள்ள பள்ளிவாசல்கள் புதுப்பிக்கப்பட்டு வருகின்றது.

அந்த வகையில் நமதூர் கடற்கரைத் தெரு ஜும்மா பள்ளி புதுப்பிக்கப்படும் காட்சிகளை கீழே உள்ள படங்களில் காணலாம்

Advertisement
அதிரையில் குறைந்த மாத தவணையில் வீட்டு மனை பிரிவுகள்

Close