அதிரை ஆலடித் தெருவில் ஆறு போல் ஓடும் கழிவு நீர்!

நமதூர் ஆலடித் தெரு முகைதீன் ஜும்மா பள்ளி வாசல் வலது புறமாக சாக்கடை கால்வாய் உள்ளது. இது ஒரு கல்லால் மூடப்பட்டுள்ளது. இந்த கால்வாயில் அடிக்கடி அடைப்புகள் ஏற்பட்டு கழிவு நீர் சாலையில் பெருக்கெடுத்து ஓடிக்கொண்டிருக்கிறது. இது முதன் முறையல்ல இதற்க்கு முன்பு பல முறை இந்த பிரச்சனை இந்த பகுதியில் தொடர்ந்து ஏற்பட்டுக்கொண்டுதான் இருக்கிறது.

இன்று மதியம் முஹைதீன் ஜும்மா பள்ளிக்கு லுஹர் தொழுகைக்கு செல்லும் பொழுது சாலையெங்கும் இந்த கழிவு நீர் பெருக்கெடுத்து ஓடிக்கொண்டிருந்தது. இதனால் இந்த பகுதியை கடந்து செல்லும் மக்கள், மற்றும் அப்பகுதியில் குடியிருக்கும் மக்கள் சிர‌மத்திற்க்கு உள்ளாகியுள்ளனர். மேலும் இந்த பிரச்சனையால் அப்பகுதி மக்களுக்கு நோய் தொற்றும் அபாயம் உள்ளது. எனவே இப்பகுதி மக்களின் நலனை கருத்தில் கொண்டு சம்பந்தப்பட்ட நிர்வாகிகள் தகுந்த நடவடிக்கை எடுக்குமாறு அதிரை பிறை சார்பாக கேட்டுக்கொள்கிறோம்.

குறிப்பு: இந்த பதிவு, இப்பகுதியில் இந்த பிரச்சனை சரியாக வேண்டும் என்ற நல்ல நோக்கில் பதியப்பட்டது. இது யாரையும் குறை கூறுவதற்க்காகவோ நிர்வாகத்தை தாக்குவதற்க்காகவோ பதியப்பட்டது அல்ல.

Advertisement

Close