Adirai pirai
posts

162 பயணிகளுடன் சிங்கப்பூர் கடலில் விழுந்தது ஏர் ஏசியா விமானம்!

 இந்தோனேசியாவிலிருந்து சிங்கப்பூர் சென்ற ஏர் ஏசியா பயணிகள் விமானம் கடலில் விழுந்து விபத்திற்குள்ளானதாக தகவல்கள் வெளியாகியுள்ளன. விமானம் ஒன்றின் உடைந்த பாகங்கள் பெலிங்டங் தீவு அருகே கண்டுபிடிக்கப்பட்டுள்ளதாகவும் செய்திகள் தெரிவிக்கின்றன. ஜாவா கடலில் கண்டறியப்பட்ட விமான பாகங்கள் மாயமான ஏர் ஏசியா விமானத்துடையதா என ஆய்வுகள் நடத்தப்பட்டு வருகின்றன.  

முன்னதாக இந்தோனேசியாவிலிருந்து சிங்கப்பூர் சென்ற பயணிகள் விமானம் மாயமானது. இந்தோனேசியாவின் சுரபையா விமான நிலையத்திலிருந்து QZ8501 என்ற விமானம் உள்ளூர் நேரப்படி அதிகாலை 5.35 மணிக்கு சிங்கப்பூர் புறப்பட்டது. சிங்கப்பூர் விமான நிலைத்தை 6.30 மணிக்கு அடைய வேண்டிய விமானத்தின் தகவல் தொடர்பு துண்டிக்கப்பட்டுள்ளது. 

விமானம் மாயமான தகவலை ஏர் ஏசியா நிறுவனம் தனது சமூக வலைதளத்தில் உறுதி செய்துள்ளது. இது தொடர்பாக அறிக்கை வெளியிட்டுள்ள அந்நாட்டு போக்குவரத்து அமைச்சக அதிகாரி முஸ்தபா, விமானம் நிர்ணயிக்கப்பட்ட பாதையில் செல்லாமல் வேறு பாதையில் சென்றுள்ளது தெரிய வந்துள்ளதாக கூறியுள்ளார். தகவல் தொடர்பு துண்டிக்கப்படுவதற்கு முன் வேறு பாதையில் செல்லப் போவதாக விமானி அறிவித்ததாகவும் ஏர் ஏசியா தெரிவித்துள்ளது. விமானம் கடத்தப்பட்டுள்ளதா அல்லது மோசமான வானிலை காரணமாக விபத்திற்குள்ளானதா என தெரியவில்லை. இந்த விமானத்தில் இந்தியர்கள் யாரும் பயணம் செய்யவில்லை என்று கூறப்படுகிறது. 

Advertisement

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy