வங்கி வாடிக்கையாளர்களின் கணக்கில் திடீரென லட்சக்கணக்கில் பணம்!

Want create site? Find Free WordPress Themes and plugins.
வங்கி வாடிக்கையாளர்கள் அனைவரின் கணக்கிலும் திடீரென லட்சக் கணக்கில் பணம் போடப்பட்டதாக வந்த தகவலையடுத்து, பணத்தை எடுக்க ஏடிஎம் சென்றவர்களுக்கு ஏமாற்றமே மிஞ்சியது.
சென்னை சென்ட்ரல் அருகே பார்க் டவுனில் அரசுடைமை வங்கி ஒன்று உள்ளது. உலகமெங்கும் அதிக கிளைகளை உடைய இந்த வங்கியில் ஏராளமானோர் கணக்கு வைத்துள்ளனர். சென்னை மாநகர ஆயுதப்படை போலீஸார் பலரும் இந்த வங்கியில்தான் கணக்கு வைத்துள்ளனர்.
ஒவ்வொருவரின் வங்கி கணக்கிலும் பணம் போடும்போதும், எடுக்கும்போதும் அதுகுறித்த விவரங்கள் அவரவர் செல்போனில் எஸ்எம்எஸ் மூலம் வரும். அதன்படி கடந்த 16-ம் தேதி சனிக்கிழமை அந்த வங்கியில் கணக்கு வைத்துள்ள போலீஸாருக்கு வங்கியில் இருந்து ஒரு மெசேஜ் வந்தது. அதில் லட்சக்கணக்கான பணம் அவரது கணக்கில் போடப்பட்டிருப்பதாக கூறப்பட்டிருந்தது. இதைப்பார்த்து இன்ப அதிர்ச்சி அடைந்த போலீஸார் பலர், சக போலீஸா ருக்கு போனில் விவரம் கேட்க அவர்களும் தங்களது வங்கி கணக்கிலும் பணம் போடப்பட்டிருப்பதாக மெசேஜ் வந்தது என்று கூறியுள்ளனர்.
அவரவர் மாத சம்பளத்திற் கேற்ப ரூ.50 ஆயிரம் முதல் ரூ.5 லட்சம் வரை ஒவ்வொருவரின் வங்கி கணக்கிலும் போடப் பட்டிருந்தது. உடனே சில போலீஸார் ஏடிஎம் சென்டருக்கு சென்று பணத்தை எடுக்க முயன்றபோது அவர்களின் மகிழ்ச்சி முடிவுக்கு வந்து விட்டது. அனைவரின் வங்கி கணக்குகளும் முடக்கப்பட்டிருந்தன. அவர்கள் தங்களது கணக்கில் இருந்த சம்பள பணத்தை கூட எடுக்க முடியவில்லை.
இதுகுறித்து வங்கி நிர்வாகத் திடம் தொடர்பு கொண்டு கேட்ட போது, “கம்ப்யூட்டரில் ஏற்பட்ட பிரச்சினையால் போலீஸார் உட்பட வங்கியின் வாடிக்கையாளர்கள் அனைவரின் வங்கி கணக்கிற்கும் லட்சக்கணக்கில் பணம் போடப்பட்டதாக மெசேஜ் சென்று விட்டது. உண்மையில் பணமும் வங்கியில் இருந்து அவர்களின் கணக்கிற்கு சென்று விட்டது. ஆனால் 3 நிமிடத்தில் இந்த கோளாறை நாங்கள் கண்டுபிடித்து சரிசெய்து விட்டோம். பணம் போடப் பட்டதாக தகவல் கிடைத்த சில விநாடிகளில் 10-க்கும் குறைவான சிலர் ஏடிஎம் மூலம் சில ஆயிரம் பணத்தை எடுத்துள்ளனர். அவர் களுக்கு தகவல் கொடுத்து பணத்தை திரும்ப ஒப்படைக்க கூறியிருக்கிறோம்” என்று தெரிவித்தனர்.
thehindu

Advertisement

Did you find apk for android? You can find new Free Android Games and apps.

You might also like More from author