Adirai pirai
Uncategorized

இறையற்புதம்

நிலவிட்  சூழும்  எழிலைப் பாரு
நினைவிட் சேரும் இறையாசை
மலரிட் கூடும் மகரஞ் சேர
மலருந் தேனும் அருளாகும்
இரையைத் தேடும் பறவை போகும்
இறையைப் பாடும் இனிதாக
கரையைத் தாவும் கடலுக் காக
கடவுட் போடும் வினைபாரு
இருளிற் றானே ஒளியைத் தூவும்
இயல்பைத் தந்த இறையாகும்
அருளைச் சூழ அவனைப் பாடு
அறிவைத் தேடு நிறைவாகும்
அணுவைச் சேர உடலைக் கூடி
அழகுச் சேயும் உருவாகும்
அணுவைக் கூட எவருக் கும்தான்
அசைவைக் காண அவன்வேண்டும்
“கவியன்பன்” கலாம்