துபையில் துவங்கியது ‘ஜீடெக்ஸ் ஷாப்பர்ஸ் ஸ்ப்ரிங்’!

துபையில், சந்தைக்கு வந்துள்ள புதிய மின்னணு சாதனங்கள் மற்றும் வீட்டுத்தேவைகளுக்கான பொருட்களின் காட்சி மற்றும் விற்பனைக்காக ‘வசந்தகால ஜீடெக்ஸ் ஷாப்பர்’ எனும் விற்பனை திருவிழா இன்று துவங்கியது. 

தினமும் காலை 11 மணிமுதல் இரவு 11 வரை திறந்திருக்கும் இந்த மின்சாதனங்களின் விற்பனை பொருட்காட்சியானது ஏப்ரல் 1 முதல் 4 தேதி வரை 4 தினங்களுக்கு மட்டுமே நடைபெறவுள்ளது, வழமையான ஜீடெக்ஸ் ஷாப்பர்ஸ் விழா சூடுதணிந்த அக்டோபர் மாதங்களில் சுமார் 1 வார காலத்திற்கு நடைபெற்று வருவது குறிப்பிடத்தக்கது.

உலகின் முன்னனி நிறுவனங்களின் புதிய நானோ கிரிஸ்டல் தொழில்நுட்பத்துடன் அறிமுகமாகியுள்ள டிவிக்கள், ஸ்மார்ட் போன்கள், டேப்லட்டுகள், லேப்டாப்களின் விற்பனை சென்ற வருடத்தை விட அதிகரிக்கும் என எதிர்பார்க்கப்படுகிறது. மேலும் சென்ற ஆண்டு நடைபெற்ற ஜீடெக்ஸ் ஷாப்பர் ஸ்ப்ரிங் நிகழ்வுக்கு 1,26,000க்கு அதிகமான சர்வதேச பார்வையாளர்கள் வந்திருந்தது குறிப்பிடத்தக்கது.

துபை ‘உலக வர்த்தக மையத்தில்’ நடைபெற்று ‘ஜீடெக்ஸ் ஷாப்பர் ஸ்ப்ரிங்’க்கான அனுமதிக் கட்டணம் 20 திர்ஹம். டிக்கெட்டுகள் அனைத்து Emarat சர்வீஸ் சென்டர்கள், ஜீடெக்ஸ் ஷாப்பர்ஸ் விழா நடைபெறும் உலக வர்த்தக மைய நுழைவாயில், மற்றும் யூனியன், பர்ஜூமான், கராமா, அல் பஹீதீ போன்ற மெட்ரோ நிலையங்களிலும் கிடைக்கும். (நம்மில் பலருக்கு இலவச அனுமதி டிக்கெட் எப்படியும் நம்மை தேடி வரும் என்பது வேறு கதை).

ஹூம் பேரு தான் வசந்தகாலம், ஏட்டுக்கணக்கு வசந்தகாலம் கடந்த வாரமே அமீரகத்திலிருந்து விடைபெற்றுவிட்டது என்பது அனுபவ கணக்கு.

தொகுப்பு:
அதிரைஅமீன்

Advertisement

Close