Advertisement

' />

தஞ்சை மாவட்டத்தில் வேட்பபுமனு தாக்கல் முடிவடைந்தது

தஞ்சை மாவட்டத்தில் உள்ளாட்சி இடைத்தேர்தல் வேட்புமனுத்தாக்கல் நேற்றுடன் முடிவடைந்தது. இதில் 101 பதவிகளுக்கு 201 பேர் வேட்புமனுத்தாக்கல் செய்துள்ளனர்.

தமிழகத்தில் உள்ளாட்சி இடைத்தேர்தல் வருகிற 18–ந்தேதி நடைபெறுகிறது. இதற்கான வேட்புமனுத்தாக்கல் கடந்த மாதம் 28–ந்தேதி தொடங்கியது. வேட்புமனுத்தாக்கல் செய்ய நேற்று கடைசி நாள் ஆகும். வாக்கு எண்ணிக்கை வருகிற 22–ந்தேதி நடைபெறுகிறது.
தஞ்சை மாவட்டத்தில் 101 பதவிகளுக்கு தேர்தல் நடைபெறுகிறது. 1 மாவட்ட ஊராட்சிக்குழு உறுப்பினர் பதவிக்கும், 6 ஊராட்சி ஒன்றியக்குழு உறுப்பினர் பதவிக்கும், 6 ஊராட்சி மன்ற தலைவர் பதவிக்கும், 81 ஊராட்சி மன்ற உறுப்பினர் பதவிக்கும், 1 மாநகராட்சி உறுப்பினர் பதவிக்கும், 6 பேரூராட்சி உறுப்பினர் பதவிக்கும் தேர்தல் நடைபெறுகிறது.
இதில் நேற்று முன்தினம் வரை 107 பேர் வேட்புமனுத்தாக்கல் செய்திருந்தனர். நேற்று ஒரே நாளில் மட்டும் 94 பேர் வேட்புமனுத்தாக்கல் செய்தனர்.
இதில் மாவட்ட ஊராட்சிக்குழு உறுப்பினர் பதவிக்கு 10 பேரும், ஊராட்சி ஒன்றியக்குழு உறுப்பினர் பதவிக்கு 24 பேரும், ஊராட்சி மன்ற தலைவர் பதவிக்கு 24 பேரும், ஊராட்சி மன்ற உறுப்பினர் பதவிக்கு 119 பேரும், மாநகராட்சி உறுப்பினர் பதவிக்கு 6 பேரும், பேரூராட்சி உறுப்பினர் பதவிக்கு 18 பேரும் வேட்புமனுத்தாக்கல் செய்துள்ளனர். இதுவரை மொத்தம் 201 பேர் வேட்புமனுத்தாக்கல் செய்துள்ளனர்.

Advertisement

Close