Adirai pirai
posts

பிரேசில் நாட்டு கால்பந்து வீரர்கள் சென்ற விமானம் கீழே விழுந்து நொறுங்கியது!

மத்திய தென் அமெரிக்க நாடான பொலிவியாவில் இருந்து கால்பந்து வீரர்களுடன் சென்ற விமானம் கொலம்பியா அருகே விபத்துக்குள்ளானதாக தகவல் வெளியாகியுள்ளது. 72 பயணிகள் மற்றும் விமான சிப்பந்திகளுடன்  பொலிவியாவில் இருந்து  கொலம்பியா தலைநகர்  மெடலின்ஸ் சர்வதேச விமான நிலையத்துக்கு விமானம் சென்றதாக  என்று கூறப்படுகிறது.
விமானத்தில் பயணம் செய்த கால்பந்து வீரர்கள் தேசிய அணி வீரர்களா? என்பது குறித்த தகவல் எதுவும் வெளியாகவில்லை. விமான விபத்தில் யாரேனும் உயிர் பிழைத்துள்ளார்களா? என்பது குறித்த விவரமும் இல்லை.
வரும் புதன்கிழமை தென் அமெரிக்காவில் நடைபெறும் கோபா சூடமெரிக்கா இறுதிப்போட்டியில் விளையாடுவதற்காக வீரர்கள் சென்றதாக ஒரு தகவல் வெளியாகியுள்ளது. அட்லெடிகோ நசியோனல் அணிக்கு எதிராக இந்த போட்டி நடைபெற இருந்த நிலையில், விபத்தில் விமானம் விழுந்து நொறுங்கியுள்ளது. இந்த விமான விபத்தில் கால்பந்து வீரர்களின் கதி என்ன? குறித்து தகவல் இல்லை. இதற்கிடையே, பிரேசிலின் தேசிய அணி இல்லை எனவும் ஒரு கிளப் அணி எனவும் ஒரு தகவல் தற்போது கிடைத்துள்ளது.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy