Adiraipirai.in
posts

அதிரை உட்பட தஞ்சை முழுவதும் வாக்காளர் பட்டியல் பார்வையாளர் ஆய்வு

இந்திய தேர்தல் ஆணையத்தின் வழிகாட்டுதலின்படி கடந்த அக்டோபர் 1–ந்தேதி முதல் 31–ந்தேதி வரை வாக்காளர் சேர்ப்பு சிறப்பு முகாம்கள் நடைபெற்றது. இந்த முகாமில் வாக்காளர் பெயர் சேர்த்தல், திருத்தம் செய்தல், நீக்குதல், இடமாற்றம் செய்தல், பிழை திருத்துதல் போன்ற மனுக்கள் பொதுமக்களிடமிருந்து பெறப்பட்டது.

தஞ்சாவூர் வட்டத்தில் 12 ஆயிரத்து 460 பேரும், கும்பகோணம் வட்டத்தில் 12 ஆயிரத்து 775 பேரும், திருவிடைமருதூர் வட்டத்தில் 9 ஆயிரத்து 468 பேரும், பாபநாசம் வட்டத்தில் 10 ஆயிரத்து 847 பேரும், திருவையாறு வட்டத்தில் 11 ஆயிரத்து 9 பேரும், ஒரத்தநாடு வட்டத்தில் 9 ஆயிரத்து 539 பேரும், பட்டுக்கோட்டை வட்டத்தில் 8 ஆயிரத்து 788 பேரும், பேராவூரணி வட்டத்தில் 7 ஆயிரத்து 791 பேரும் ஆக மொத்தம் 82 ஆயிரத்து 677 பேரும் மனுக்கள் வரப்பெற்றன.
தேர்தல் பார்வையாளர் அருண்குமார், கும்பகோணம் வட்டத்தில் உள்ள வீடுகளுக்கு சென்று நேரில் ஆய்வு மேற்கொண்டார். இவ்விசாரணை முடிந்து இறுதி வாக்காளர் வரைவு பட்டியல் ஜனவரி 6–ம் தேதி வெளியிடப்படும் என்று தேர்தல் பார்வையாளர் தெரிவித்தார்.