Adirai pirai
posts

தமிழில் விண்டோஸ் 7

Microsoftவிண்டோஸ் 7 இயங்குதளம் கொண்ட கணினியை தமிழில் பயன்படுத்துவது எப்படி?

ணினி உலகம் மற்றும் இணையத்தில் ஒவ்வொரு நிறுவனமும் தனக்கான இடத்தை தக்கவைத்துக் கொள்ளவும், அதிகமான வாசகர்களைப்

 பெறவும் நிறைய வசதிகளை அறிமுகம் செய்வது வழக்கம். அதில் முக்கியமாக தங்கள் படைப்புகளை குறிப்பிட்ட மொழிகளில்

தந்து அதிகப் பயனர்களைப் பெறுவது.

இதுவரை கூகுள், ஃபேஸ்புக் மற்றும் பல மென்பொருட்கள் அறிமுகமான கொஞ்ச வருடங்களிலேயே இந்த விஷயத்தில் அடித்து ஆட, இவர்களுக்கெல்லாம் முன்னோடியான மைக்ரோசாஃப்ட் கொஞ்சம் தாமதமாக இந்த விஷயத்தை கையில் எடுத்து, பல வசதிகளை அதன் பயனர்களுக்குத் தந்துள்ளது. அந்த வகையில் உங்கள் விண்டோஸ் 7 இயங்குதளம் கொண்ட கணினியை எப்படி தமிழில் பயன்படுத்துவது என்று பார்ப்போம்.

முதலில் இந்த இணைப்பில் (https://ww.microsoft.com/downloads/details.aspx?FamilyID=a1a48de1-e264-48d6-8439-ab7139c9c14d&displaylang=ta) சென்று தமிழுக்கான விண்டோஸ் 7 மொழி இடைமுகத் தொகுப்பை (Language Interface Pack – LIP) தரவிறக்கம் செய்யுங்கள். 32 பிட் அல்லது 64 பிட் ஏதேனும் ஒன்றை மட்டும். எது என்ற குழப்பத்தில் உள்ளவர்கள் 32 பிட்டை தரவிறக்கம் செய்யவும்.

உங்கள் கணினியில் தரவிறக்கம் ஆன பின்பு, அதை உங்கள் கணினியில் நீங்கள் இன்ஸ்டால் செய்ய வேண்டும்.

‡Next என்பதை தெரிவு செய்து, பின் அடுத்து வரும் பகுதியில்I Accept the license terms  என்பதை தெரிவு செய்து மீண்டும் ஒரு ‡Next, அடுத்து மீண்டும் ஒரு ‡Next, இப்போது தமிழ் மொழி உங்கள் கணினியில் இன்ஸ்டால் ஆகும்.

இன்ஸ்டால் ஆன பின் மீண்டும் ‡Next  என்பதை கிளிக் செய்யுங்கள். இப்போது நீங்கள் Display  மொழியை தெரிவு செய்ய வேண்டும். அதில் தமிழ் என்பதை தெரிவு செய்து, ‘Apply display language to welcome screen and system accounts’ என்பதை கிளிக் செய்து, Change Display Langage’ என்பதை கிளிக் செய்யுங்கள்.

அவ்வளவுதான். இப்போது உங்கள் கணினியை ஒரு முறை நீங்கள் Restart செய்ய வேண்டும்.

இனி உங்கள் கணினி, தமிழில் இயங்க ஆரம்பிக்கும். அனைத்து வசதிகளும், செயல்களும் தமிழில் இல்லாவிட்டாலும் பொதுவான பல விஷயங்கள் தமிழில் இருக்கும்.

இனி ஆங்கிலம் தெரியாதவர்கள் கூட கணினியில் அடிப்படை விஷயங்களை செய்ய முடியும்.

மீண்டும் ஆங்கிலத்துக்கு மாற: ஸ்டார்ட் மெனு  >> கட்டுப்பாட்டுப் பலகம் >> காட்சி மொழியை மாற்றவும் என்பதை கிளிக் செய்து மாற்றலாம். இவ்வாறு வராதவர்கள் கட்டுப்பாட்டுப் பலகம்  >>  வட்டாரம் மற்றும் மொழி என்பதை கிளிக் செய்து வரும் சிறிய விண்டோவில் ‘விசைப்பலகைகளும் மொழிகளும்’ என்கிற பகுதியில் காட்சி மொழி ஒன்றைத் தேர்வு செய்யவும் என்பதற்குக் கீழே English என்பதை தெரிவு செய்யுங்கள்.

ஆங்கிலத்தில் இருந்து தமிழுக்கு மாற (இன்ஸ்டால் செய்த பின்): Control Panel >>  என்பதை கிளிக் செய்து மாற்றலாம். இவ்வாறு வராதவர்கள், Control Panel >> Region and Langugage என்பதை கிளிக் செய்து, வரும் சிறிய விண்டோவில் Keyboards and Language என்பதில் Choose a Display Language கீழே தமிழை தெரிவுசெய்து கொள்ளலாம்.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy