Adirai pirai
islam POLITICS உள்ளூர் செய்திகள்

#Flash_News: அதிரையில் பாஜக கொடியை எரித்ததற்காக 3 பேர் கைது!

https://youtu.be/jGde_yrbqNk

ஜம்மு-காஷ்மீரில், ஜனவரி 10-ம் தேதியன்று 8 வயது சிறுமி ஆஷிஃபாவை ஒரு ஓய்வுபெற்ற அரசு அதிகாரி, நான்கு போலீஸ்காரர்கள், 18 வயதுக்குக் கீழ் உள்ள ஒரு சிறுவன் உள்ளிட்ட எட்டு காவிகள் சேர்ந்து கடத்திச் சென்று, கோவிலில் அடைத்து பாலியல் வன்கொடுமை செய்து கொலைசெய்தனர். இந்தக் கொடுமையைக் கண்டித்து, பல்வேறு போராட்டங்கள் தொடர்ந்து நடைபெற்று வருகின்றன.

அந்த வகையில் தஞ்சை தெற்கு மாவட்ட தமுமுக-மமக சார்பில் அதிரை பேருந்து நிலையத்தில் நேற்று மாலை 4 மணிக்கு கண்டன ஆர்ப்பாட்டம் தஞ்சை தெற்கு மாவட்ட தலைவர் அஹமது ஹாஜா தலைமையில் நடைபெற்றது. இதில் ஏராளமான அதிரையர்கள், மாற்றுமத சகோதரர்கள், சிறுவர், சிறுமிகள் பதாகைகளை ஏந்தி ஆஷிபாவின் மரணத்திற்குநீதி கேட்டனர்.

இதற்கு காரணமான மதவெறி பிடித்த பாஜக அரசை கண்டித்து அவர்கள் முழக்கங்களை எழுப்பினர். முன்னதாக அதிரை தக்வா பள்ளி முக்கத்திலிருந்து பேருந்து நிலையம் வரை பேரணியாக நடந்து வந்து தமுமுக வினர் தங்கள் எதிர்ப்பை வெளிப்படுத்தினர். அப்போது பாஜக கொடியை தமுமுக வினர் எரித்ததால் பரபரப்பு ஏற்பட்டது.

இது குறித்து பாஜக வினர் காவல்நிலையத்தில் புகார் அளித்துள்ளனர். அதன் அடிப்படையில் அதிரை நகர மமக செயலாளர் கமாலுத்தீனின் உணவகத்திற்குள் புகுந்த போலீசார் பரோட்டா மாஸ்டர் 3 பேரை கைது செய்து அழைத்து சென்றனர். இதே போல் மதுக்கூர் மமக நிர்வாகிகள் பவாஸ், ஜஃபருல்லா ஆகியோரும் கைதாகியுள்ளனர். தஞ்சை தெற்கு மாவட்ட தலைவர் அஹமது ஹாஜா, மமக மாநில செயற்குழு உறுப்பினர் செய்யது முஹம்மது புகாரி, கமாலுத்தீன் ஆகியோரை போலீசார் தேடி வருகின்றனர். இதனால் அதிரையில் பரபரப்பு எற்பட்டுள்ளது.